𝗕𝗨𝗡𝗦𝗢𝗗 𝗻𝗴 𝗻𝗮𝗽𝗮𝗸𝗮𝗹𝗮𝗸𝗶𝗻𝗴 𝘁𝘂𝗹𝗼𝗻𝗴 𝗮𝘁 𝗸𝗮𝗴𝗶𝗻𝗵𝗮𝘄𝗮𝗵𝗮𝗻 𝗻𝗮 𝗻𝗮𝗶𝗯𝗶𝗯𝗶𝗴𝗮𝘆 𝗻𝗴 𝗧𝗮𝘆𝗮𝗯𝗮𝘀 𝗛𝗲𝗮𝗹𝘁𝗵 𝗖𝗲𝗻𝘁𝗲𝗿, p𝗶𝗻𝗮𝘀𝗮𝗹𝗮𝗺𝗮𝘁𝗮𝗻 𝗻𝗶 𝗠𝗮𝗻𝗶𝗹𝗮 𝗠𝗮𝘆𝗼𝗿 𝗗𝗿𝗮. 𝗛𝗼𝗻𝗲𝘆 𝗟𝗮𝗰𝘂𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗱𝗮𝗵𝗶𝗹 𝘀𝗮 𝗽𝗮𝗴𝗽𝗮𝗽𝗮𝘁𝗮𝘆𝗼 𝗻𝗶𝘁𝗼 𝗻𝗴 𝗻𝗮𝘀𝗮𝗯𝗶𝗻𝗴 𝗽𝗮𝗴𝗴𝗮𝗺𝘂𝘁𝗮𝗻 𝘂𝗽𝗮𝗻𝗴 𝗺𝗮𝗽𝗮𝗴𝘀𝗶𝗹𝗯𝗶𝗵𝗮𝗻 𝗮𝗻𝗴 𝗹𝗶𝗯𝗼-𝗹𝗶𝗯𝗼𝗻𝗴 𝗿𝗲𝘀𝗶𝗱𝗲𝗻𝘁𝗲 𝗮𝘁 𝗽𝗮𝘀𝘆𝗲𝗻𝘁𝗲 𝗻𝗴 𝗧𝗼𝗻𝗱𝗼, 𝗠𝗮𝘆𝗻𝗶𝗹𝗮.

“Maraming salamat Congressman Rolando Valeriano sa pagpapagawa mo ng bagong Tayabas Health Center sa Tondo Disrrito Dos. Dahil sa iyong magandang proyekto. Maraming residente at mga pasyente ang iyong natutulungan,” pahayag ni Mayor Lacuna.

Dahil dito, sabi naman ni Valeriano, chairman ng House Committee on Metro Manila Development, na ang naging pagkilala ni Mayor Lacuna sa kaniyang ipinagawang Health Center sa Tondo ang gagawin nitong inspirasyon para maipagpatuloy pa nito ang pagsusulong ng iba pang mga proyekto na magbibigay ng tulong sa mga mamamayan.

Ayon kay Valeriano, ang kalusugan ng kaniyang mga kababayan sa Tondo, Maynila ang isa sa kaniyang mga “priorities” o pinahahalagahan kaya sa mga isinusulong nitong proyekto ang pagpapagawa ng mga Health Centers, upgrading ng mga hospital facilities at iba pa ang nangunguna sa kaniyang mga programa.

Pagdidiin ng kongresista, prone sa sakit ang ilang mamamayan sa kaniyang Distrito kaya napakahalaga ang pagkakaroon ng mga Health Centers at modernong pasilidad ng mga Ospital upang mapagsilbihan ng maayos ang kaniyang mga kababayan.