𝗠𝗨𝗟𝗜𝗡𝗚 𝘁𝗶𝗻𝗶𝘆𝗮𝗸 𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗠𝗲𝘁𝗿𝗼 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗻𝗮 𝗶𝘀𝗮𝘀𝗮𝗹𝗮𝗻𝗴 𝗻𝗶𝘁𝗼 𝘀𝗮 𝗸𝗮𝗻𝗶𝗹𝗮𝗻𝗴 𝗶𝘀𝗮𝘀𝗮𝗴𝗮𝘄𝗮𝗻𝗴 𝗽𝗮𝗴𝘀𝗶𝘀𝗶𝘆𝗮𝘀𝗮𝘁 𝗮𝗻𝗴 𝗶𝗹𝗮𝗻𝗴 𝗮𝗵𝗲𝗻𝘀𝗶𝘆𝗮 𝗻𝗴 𝗽𝗮𝗺𝗮𝗵𝗮𝗹𝗮𝗮𝗻 𝗽𝗮𝗿𝗮 𝗺𝗮𝗴𝗽𝗮𝗹𝗶𝘄𝗮𝗻𝗮𝗴 𝗽𝗮𝘁𝘂𝗻𝗴𝗸𝗼𝗹 𝘀𝗮 𝗻𝗮𝗽𝗮𝗸𝗮𝘁𝗶𝗻𝗱𝗶𝗻𝗴 𝗯𝗮𝗵𝗮 𝗻𝗮 𝗻𝗮𝗻𝗴𝘆𝗮𝗿𝗶 𝘀𝗮 𝗠𝗲𝘁𝗿𝗼 𝗠𝗮𝗻𝗶𝗹𝗮 𝘀𝗮 𝗸𝗮𝘀𝗮𝗴𝘀𝗮𝗴𝗮𝗻 𝗻𝗴 super typhoon 𝗖𝗮𝗿𝗶𝗻𝗮.

Binigyang diin ni Valeriano na seryoso at determinado ang mga kasamahan niyang kongresista na miyembro ng Committee on Metro Manila Development na busisiin ng husto kung sino ba talaga ang may pananagutan sa nangyaring pagbaha sa Metro Manila sa kasagsagan ng bagyong Carina.

Ayon kay Valeriano, napakahalagang malaman mismo sa Department of Environment and Natural Resources (DENR) kabilang na ang mga opisyal sa Local Government Units (LGUs) tulad ng mga city mayors ang sitwasyon ng mga basura sa kanilang lugar.

Sabi ng kongresista, ang mga tambak na basura o mga hindi nakokolektang basura na itinatambak sa mga estero at ilog sa Kalakhang Maynila ang posibleng pinag-ugatan ng napakatinding pagbaha habang nanalanta ang bagyong Carina sa ilang bahagi ng bansa.

Dahil dito, ipinaliwanag pa ni Valeriano na ang isyung ito ang isa sa mga paksang tatalakayin ng kaniyang Komite sakaling gumulong na ang imbestigasyon sa Kamara de Representantes.

Ikinatuwiran pa ni Valeriano na hindi naman layunin ng kaniyang Komite na gisahin o paggalitan ang mga opisyal ng DENR at LGUs. Kundi ang magbalangkas ng mga plano upang hindi na maulit ang nasabing insidente.

Nauna nang ipinahayag ni Valeriano na”record breaking” ang rainfall o malakas na buhos ng ulan na dala ng bagyong Carina. Dapat aniya ay nakahanda ang lahat sa mga ganitong scenario o ang pag-‘expect the worst.’