MAKAKATANGGAP na ng year-end bonus ang mga regular na empleyado ng gobyerno simula ngayong linggo.

Ayon kay Civil Service Commission (CSC) Commissioner Aileen Lizada nasa 1.7 milyong empleyado ng gobyerno ang kuwalipikadong tumanggap ng year-end bonus.

Kung mayroon pa umanong makukuhang cash gift mula sa gobyerno ay nakadepende na ito sa Department of Budget and Management (DBM).

Sinabi ni Lizada na nasa 600,000 empleyado ng gobyerno ang nasa ilalim ng job order o contract of service na hindi kuwalipikadong tumanggap ng bonus.

Ayon kay Lizada nakadepende sa DBM kung mayroong ibibigay na bonus para sa mga ito.