JAEN, Nueva Ecija–Natagpuan ang bangkay ng 38-anyos na lalaki na nalunod sa ilog dito noong Miyerkules, ayon sa pulisya.

Kinilala ang biktima ni Major Ernesto V. Esguerra, hepe ng pulisya, na isang Romeo.

Ayon sa misis ng biktima, Lunes pa ng alas-7:30 ng umaga nawawala ang kanyang mister matapos tumawid ng irigasyon sa kanilang lugar upang isilong ang kanyang kalabaw sa bukid.

Nitong Miyerkules ng alas-11:30 ng gabi, naiulat sa Bgy. Sto. Tomas North na may bangkay ng hindi kilalang lalaki ang natagpuang lumulutang sa ilog.

Kinilala ng misis ng biktima ang kanyang mister.

Ayon sa ginang, malamang nalunod ang kanyang mister dahil tinangay ito ng agos at hindi nakayanang lumangoy dahil sa lakas ng agos ng tubig sa irigasyon.