𝗦𝗔 𝗶𝘀𝗶𝗻𝗮𝗴𝗮𝘄𝗮𝗻𝗴 𝗽𝗮𝗴𝗱𝗶𝗻𝗶𝗴 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗠𝗲𝘁𝗿𝗼 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗻𝗮 𝗽𝗶𝗻𝗮𝗺𝘂𝗺𝘂𝗻𝘂𝗮𝗻 𝗻𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 i𝘁𝗶𝗻𝘂𝗿𝗼 𝗻𝗴 𝗠𝗲𝘁𝗿𝗼𝗽𝗼𝗹𝗶𝘁𝗮𝗻 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗔𝘂𝘁𝗵𝗼𝗿𝗶𝘁𝘆 (𝗠𝗠𝗗𝗔) 𝗮𝗻𝗴 𝗶𝗯𝗮’𝘁-𝗶𝗯𝗮𝗻𝗴 𝗱𝗮𝗵𝗶𝗹𝗮𝗻 𝗸𝗮𝘆𝗮 𝗻𝗮𝗴𝗸𝗮𝗿𝗼𝗼𝗻 𝗻𝗴 𝗺𝗮𝘁𝗶𝗻𝗱𝗶𝗻𝗴 𝗽𝗮𝗴𝗯𝗮𝗵𝗮 𝘀𝗮 𝗠𝗲𝘁𝗿𝗼 𝗠𝗮𝗻𝗶𝗹𝗮 𝘀𝗮 𝗸𝗮𝘀𝗮𝗴𝘀𝗮𝗴𝗮𝗻 𝗻𝗴 𝗯𝗮𝗴𝘆𝗼𝗻𝗴 𝗖𝗮𝗿𝗶𝗻𝗮.

Sa nasabing House investigation, mistulang ang pamunuan ng MMDA matapos silang uriratin ng mga kongresista patungkol sa nangyaring pagbaha sa iba’t-ibang lugar sa National Capitol Region (NCR) habang nananalanta ang super typhoon Carina.

Ayon kay Valeriano, sinikap nilang saliksikin ang totoong dahilan kung bakit nagmistulang karagatan ang ilang bahagi ng Metro Manila bunsod ng napakalaking baha kabilang na dito ang Marikina City, City of Manila, Quezon City, Pasig City at Caloocan.

Sinabi ni MMDA Chairman Romando Artes na lubhang nakaapekto sa natural na pagdaloy ng tubig patungo sa Manila Bay ang pag-apaw ng Tullahan river at pang river systems kung kaya’t nagkaroon ng matinding pagbaha sa Metro Manila.

Sabi pa ni Artes, malaki din aniya ang naging epekto ng pag-apaw ng La Mesa Dam, ang pagpapakawala ng tubig sa Ipo at Bustos Dam sa Bulacan. Kabilang na dito ang high tide sa Manila Bay at pagkasira ng navigational gate na makakatulong sana sa mga Lungsod ng Malabon at Navotas.

Nabatid kay Valeriano na iprinisinta sa pagdinig ng Committee on Metro Manila Development na umabot sa 471 millimeters ang ibinuhos na ulan na maihahambing aniya sa isang isang bilyong drum ng tubig na hindi naman kakayanin ng pump capacity na ang kapasidad ay 123 million drums lamang ang kapasidad.

Dagdag pa ni Valeriano na sa 71 pumping stations na kasalukuyang pinapatakbo ng MMDA ay 26 ang kinakailangang sumailalim sa rehabilitasyon.