NAG-INSPEKSYON ng mga motorsiklo ang Batangas Provincial Police Office (BPPO) noong Lunes sa Camp Gen Miguel Malvar sa pangunguna ng Acting Provincial Director na si P/Col. Geovanny Emerick Sibalo.

Layunin ng inspeksyon na masuri ang kondisyon ng mga motorsiklo ng mga otoridad at tugunan ang anumang isyu, lalo na ang mga depekto tulad ng mga gulong na luma na at mga tangke ng gasolina na nasira.

Binigyang-diin din ang tamang pag-aalaga at pag-iimbak ng mga motorsiklo, kabilang ang pagparada sa mga ligtas na lugar.

Inirekomenda ng provincial director na magsuot ng kumpletong uniporme ang mga sakay, kabilang ang salamin at proteksiyon upang matiyak na handa ang mga tauhan at ang kanilang mga motorsiklo para sa mga operasyon.