BILANG pagdiriwang ng Solo Parents’ Day, magbibigay ng libreng sakay ang Metro Rail Transit- 3 (MRT-3) para sa mga single parent Abril 20.

Ipapatupad ang libreng sakay sa peak hours ng operasyon ng linya o mula 7 ng umaga hanggang 9 ng umaga at 5 ng hapon hanggang 7 ng gabi.

“Saludo po ang MRT-3 sa lahat ng solo parents na ubos-lakas na nagsasakripisyo upang maitaguyod ang kanilang mga anak. Hangad po namin na sa aming libreng sakay ay mapasaya namin sila sa kanilang espesyal na araw,” ani Transportation Assistant Secretary for Railways at MRT-3 Officer-in-Charge Jorjette Aquino.

Kinakailangan lamang magpakita ng valid solo parent’s ID sa stations personnel upang makakuha ng libreng sakay.