ARESTADO ng PRO MIMAROPA sa pamumuno ni PBGEN Roel Cuevas Rodolfo ang Top 1 Most Wanted Person ng Calintaan, Occidental Mindoro nitong Martes, Setyembre 9 sa Brgy. New Dagupan, Calintaan.

Dakong alas-8 ng umaga, naaresto si alyas “Jerry,” 46, ng pinagsanib na pwersa ng Occidental Mindoro Provincial Highway Patrol Team, Calintaan Municipal Police Station, PIT Occidental Mindoro RIU 4B, at 405th B MC RMFB.

Ang operasyon ay isinagawa batay sa warrant of arrest na inilabas ng Regional Trial Court, Branch 45, San Jose, Occidental Mindoro para sa kasong carnapping, na may piyansang itinakda sa halagang P200,000.

Sa ngayon, nasa kustodiya na ng pulisya si “Jerry” at nakatakdang i-turn over sa nararapat na korte.

—

STORY FROM THIS LINK: https://www.facebook.com/share/p/1HuS31Gxzq/