LAGLAG sa kamay ng mga miyembro ng Manila Police District Baseco Police Station 13 ang dalawang suspek sa pagbebenta ng ilegal na droga at pagnanakaw sa Tondo at Port Area, Manila noong Miyerkules at Huwebes.

Ayon kay Police Lieutenant Colonel Rommel Anicete, unang nasakote si alyas Ninet, 43, dahil sa kasong pagtutulak ng droga.

Sumunod na naaresto si alyas Luma, 30, para sa kasong robbery.

Dahil sa gabay ni MPD Director P/BGen. Arnold Abad at pinaigting na police operations ni P/Lt. Col. Anicete ang pagkakatimbog sa dalawang suspek sa krimen.