UTAS ang rider na binaril sa batok ng kanyang kaangkas na hindi nakikilala sa Taliba St., Balut, Tondo, Manila noong Martes.

Ayon sa report kay Police Capt. Dennis Turla, hepe ng Homicide Section ng Manila Police District (MPD), bandang alas-3:30 ng hapon ng barilin si alyas Tote.

Backrider ang suspek kaya sa batok tinira ang biktima. Tumagos sa may kilay ang bala ng baril nagresulta sa kamatayan ng rider.

Pagkatapos barilin, lumipat ang suspek sa isa pang motorsiklo na kasama ng suspek at tumakas na.

Rumesponde ang mga pulis sa crime scene pero hindi nahuli ang suspek kaya kinordon na lang ang crime scene.