SUGATAN ang lalaki na binaril ng kanyang step son noong Linggo sa Pasay City.

Nadakip ng mga tauhan ni Pasay police chief P/Col. Joselito De Sesto ang suspek na si alyas Nicanor, 32, dalawang oras makaraan ang pamamaril, ayon sa ulat kay Southern Police District (SPD) Acting Director P/BGen. Randy Arceo.

Base sa imbestigasyon, personal na alitan ang motibo sa pamamaril ng suspek sa kanyang amain sa loob ng kanilang tirahan sa Ilang-Ilang St., Brgy. 184 Maricaban, alas-5:37 ng hapon.

Naaresto ang suspek sa pinagtaguang lugar sa E. Rodriguez St., Brgy. 165, Malibay dakong alas-7:37 ng gabi.

Hindi na-recover ng mga pulis ang baril na ginamit ng suspek, ayon kay SPD Public Information Office (PIO) head P/Lt. Margaret Panaga.