NASA likod na ng malamig na rehas, naaresto pa uli sa kasong carnapping ang 38-anyos na lalaki sa Manila City Jail male dormitory sa Sta. Cruz, Manila noong Lunes.

Nakilala ang suspek ng mga miyembro ng Manila Police District-Delpan Police Station 12 na si alyas Melandro.

Ayon kay Police Lieutenant Ferdinand Omli, ng Intel Warrant Section ng MPD Delpan Police Station 12, bandang alas-9:30 ng umaga ng damputin ang suspek sa nasabing kulungan.

Naaresto ang suspek base sa warrant of arrest dahil sa kasong paglabag sa RA 10883 (carnapping) na inisyu ni Judge Edgardo Cruz Saplala, Presiding Judge ng RTC Branch 33 ng Manila.

Nakakulong na ang suspek dahil sa kasong frustrated homicide at ilegal na droga ng muling arestuhin.