PINIRMAHAN ni Pangulong Rodrigo Duterte ang Republic Act No. (RA) 11701 upang mabigyan ng night shift differential ang mga empleyado ng gobyerno kasama ang mga nasa government-owned or controlled corporations (GOCCs).

Sa ilalim ng bagong batas, kuwalipikadong mabigyan ng night shift differential ang mga nasa posisyon ng Division Chief pababa. Hindi naman maaaring lumagpas sa 20% ng suweldo kada oras ang halaga ng nigh shift differential na ibibigay sa mga papasok mula alas-6 ng gabi hanggang 6 ng umaga kinabukasan.

Hindi naman kasali sa bibigyan ng night shift differential ang mga nagtatrabaho ng alas-6 ng umaga hanggang 6 ng gabi. Ang kanilang itatrabhao ng lagpas sa walong oras ay dapat bayaran ng overtime pay.

Hindi rin kasali ang mga empleyado na on-call o kailangang pumasok ng anumang oras gaya ng mga sundalo, pulis, at bumbero.