KAMPO VICENTE LIM, Calamba City–Kalaboso ang number 2 Most Wanted Person (MWP) dahil sa panghahalay dito matapos madakip sa Brgy. San Carlos, Lipa City, Batangas.

Ayon sa Police Regional Office (PRO) 4A, naaresto si alyas Prince, 21, sa bisa ng warrant of arrest para sa kasong statutory rape.

Isinagawa ang operasyon ng Batangas Intelligence Team at Regional Intelligence Unit 4A, katuwang ang Ibaan police.

Nagbabala si PRO 4A director PBGen. Dominic Baccay sa mga nagtatago pa sa batas.

“Sa mga nagtatago sa batas, walang puwang kayo dito sa CALABARZON,” dagdag ni Baccay.

Nakapiit ang suspek sa Ibaan police habang inihahanda ang kaukulang kaso laban sa kanya.