TINATAYANG nasa pagitan ng tatlo hanggang apat na buwan ang nahukay na fetus ng isang obrero sa isang construction site sa B20 Lot 5 Olympia Ave. Brgy. Maharlika, San Pedro City, Laguna ,Martes ng hapon.

Sa ulat ng San Pedro police, dakong alas 2:30 ng hapon ng mahukay ni Edgardo Atis, 58, ang orange karton na naglalaman ng fetus.

Ang pangyayari ay agad namang ipinagbigay alam ng opisyal ng Barangay sa pulisya na nagsagawa ng pagimbistiga upang matukoy kung sino ang nagbaon na suspek.

Ayon sa San Pedro police, isinagawa muna ang blessing sa Maharlika church ng sanggol bago ito inilibing sa public cemetery ng Barangay San Antonio ng nasabing lungsod.

Nagsasawa naman ng pag-review ng CCTV sa lugar sa posibleng pagkakakilanlan ng nagtapon ng fetus.