IPINAHAYAG ng Land Transportation Office (LTO) ang pagtanggap nito sa bagong itinalagang Executive Director na si Atty. Martin P. Ontog, na nanumpa sa tungkulin noong Pebrero 5 sa harap ni Executive Secretary Ralph G. Recto.

Matapos ang panunumpa, muling pinagtibay ni Ontog ang kanyang paninindigan sa serbisyo publiko sa presensya ng LTO Chief na si Assistant Secretary Markus V. Lacanilao.

Ayon sa ahensya, umaasa itong mapapalakas pa sa ilalim ng pamumuno ni Ontog ang mga hakbang para sa mas episyente, malinaw, at makataong serbisyo para sa publiko.