UMABOT na sa P43.303 milyong halaga ng medical at burial assistance ang naiproseso na ng Office of the Vice President (OVP) simula noong Hulyo 1.

Sa halagang ito, sinabi ni Vice presidential spokesperson Atty. Reynold Munsayac na P12.009 milyon na ang naibigay sa mga kuwalipikadong benepisyaryo na nag-aplay sa iba’t ibang OVP satellite office.

“Medyo magandang numero ho ito sa isang period na mahigit isang buwan lang,” sabi ni Munsayac.

Bukod sa medical at burial assistance, ang OVP ay nagbibigay din ng libreng sakay sa mga piling lugar.