GUIGUINTO, Bulacan–Pinasok ng 5 magnanakaw ang branch ng Kentucky Fried Chicken sa bayang ito noong Martes at tinangay ang mahigit P178,000 at iba pang valuables na laman ng vault ng fastfood chain.

Sa report kay PRO-3 director Brig. Gen. Ponce Rogelio Penones Jr., sakay ang lima ng Mitsubishi L300 nang dumating sa KFC sa Brgy. Tiaong.

Nakita sa CCTV footage ang pwersahang pagpasok ng tatlong holdaper sa kinalalagyang ng vault.

Isinakay ng 5 ang vault at tumakas sa direksyon papuntang Plaridel.

Laman ng vault ang P178,090.07 cash, cheque na P5,361.50, Samsung tablet na P4,000 at 2 Android cellphones.

Ang manager na si Michelle Culianan ang unang nakadiskubre sa pagnanakaw.