BALANGA CITY, Bataan–Nahuli ng mga pulis dito ang isang illegal gun holder na may pag-iingat ng dalawang loose firearms at mga bala.

Ayon kay Col. Marites Salvadora, hepe ng pulisya, naaresto ang suspek sa Batungbakal St., Brgy. Tenejero, Balanga City, Bataan.

Nahulihan ng isang caliber .38 revolver na may apat na bala at isang sumpak na may tatlong bala ang suspek.

Sinabi ni Salvadora na ang suspek at ang mga ebidensiya ay nasa custody na ng Balanga City Police Station para sa proper documentation at disposition.

Nahaharap ang suspek sa kasong paglabag sa RA 10591 o ang Comprehensive Firearm and Ammunition Regulation Act.