DALAWANG suspek sa pangangalakal ng bawal na gamot ang naaresto na may pag-iingat na halos P1 milyon na halaga ng shabu sa buy-bust ng mga miyembro ng Rodriguez police dakong alas-8:40 ng gabi noong Hunyo 18 sa Brgy. San Isidro, Rodriguez, Rizal.

Kinilala ang mga suspek na sina alyas Otto, 35; at Totoy, 33.

Narekober sa dalawa ang 142 na gramo ng shabu na may halagang P965,600, buy-bust money, weighing scale, sling bag, isang Magnum .22 Black Widow pistol at apat na bala para sa cal .22.

Ang mga naarestong suspek ay nasa Rodriguez Custodial Facility at mahaharap sa mga kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act).