NASA 582 indibidwal ang napabilang sa mga benepisyaryo ng Emergency Cash Transfer ng pamahalaang lungsod sa pamamagitan ng CSWD, sa pamamahala ni Juvy Bahia RSW.

Nasa mahigit kumulang sa P3.1 milyon ang kabuoang halaga ng naipamahagi noong ika-23 ng Oktubre ng pamahalaang lungsod sa mga pamilyang labis na naapektuhan ng bagyong Opong.

Ayon kay Calapan City Mayor Doy C. Leachon, ang halagang kanilang natanggap ay tulong sa pagsasaayos ng kanilang mga nasirang kabuhayan at kabahayan, gayundin ay pambili ng iba pang food items na hindi kalakip sa laman ng kanilang ipinamahaging family food packs.

Ayon kay Bahia, bahagi ito ng pagtalima sa direktiba ni Mayor Doy na tiyaking walang Calapeño ang mapapabayaan sa panahon ng kanilang pangangailangan.