TODAS ang rider at sugatan ang angkas na babae nito matapos bumangga sa concrete barrier sa Sitio Upper Manggahan, Brgy. San Roque, Angono, Rizal noong Biyernes.

Kinilala ang namatay na biktima na si alyas Roel na idineklarang dead-on-arrival ni Dra. Caroline V. Ramirez dahil sa tinamong mga sugat.

Sugatan naman ang angkas na babaeng si Elizabeth Manalad.

Naganap ang pagbangga ng motor bandang ala 1:30 ng madaling araw.

Sakay sa minamanehong itim na Honda Click 125 ang biktima kasama ang angkas subalit dahil sa mabilis na takbo hindi inaasahang nawalan ng kontrol hanggang sa tinumbok ang concrete barrier patungo sa Angono proper.