NASAMSAM mula sa isang mangingisda noong Huwebes ang mahigit P5 milyong halaga ng shabu sa isang entrapment sa Brgy. Linasin, San Marcelino, Zambales.

Sa ulat kay Police Regional Office (PRO)-3 director Brig. Gen Jean Fajardo, kinilala ng Zambales police ang suspek na si alyas Riviera, 46, ng Masinloc, Zambales.

Nagresulta sa pagkumpiska ng mahigit 755 na gramo ng shabu na nagkakahalaga ng hindi bababa sa P5.13 milyon ang pagkakaaresto sa suspek.

Nakakulong sa San Marcelino police station ang suspek na sasampahan ng kasong paglabag sa RA 9165.