APAT na indibidwal ang nasakote ng mga kapulisan sa isinagawang police operation sa Purok 1, Barangay Silangan, Queens Village, San Mateo, Rizal, Martes, ng madaling-araw.

Ayon sa pulis ng San Mateo, ang mga suspek ay kinilalang sina alyas Tiong, alyas Jo, alyas Jolo at alyas Marvin.

Nakumpiska ng mga otoridad mula sa mga suspek ang sampung piraso ng heat-sealed transparent plastic sachets na naglalaman ng puting crystalline substance na pinaghihinalaang shabu na may tinatayang kabuuang bigat na 95 gramo at mnagkakahalaga ng P646,000; brown na pouch; dalawang Motorsiklo, anim na piraso ng isang daang pisong papel na may serial number, at buy-bust money.

Ang operasyon ay isinagawa gamit ang dalawang Alternative Recording Devices (ARD).