Calendar
![Valeriano](https://peoplestaliba.com/wp-content/uploads/2024/04/Valeriano.jpg)
Pagkakaroon ng road safety seminars sa mga kasapi ng TODA kinatigan ng Committee on Metro Manila Dev’t
๐ฆ๐๐ก๐จ๐ฆ๐จ๐ฃ๐ข๐ฅ๐ง๐๐๐๐ก ๐ป๐ด c๐ต๐ฎ๐ถ๐ฟ๐บ๐ฎ๐ป ๐ป๐ด ๐๐ผ๐๐๐ฒ ๐๐ผ๐บ๐บ๐ถ๐๐๐ฒ๐ฒ ๐ผ๐ป ๐ ๐ฒ๐๐ฟ๐ผ ๐ ๐ฎ๐ป๐ถ๐น๐ฎ ๐๐ฒ๐๐ฒ๐น๐ผ๐ฝ๐บ๐ฒ๐ป๐ ๐ป๐ฎ ๐๐ถ ๐ ๐ฎ๐ป๐ถ๐น๐ฎ ๐ฎ๐ป๐ฑ ๐๐ถ๐๐. ๐๐ผ๐ป๐ด. ๐ฅ๐ผ๐น๐ฎ๐ป๐ฑ๐ผ “๐๐ฅ๐ฉ” ๐ . ๐ฉ๐ฎ๐น๐ฒ๐ฟ๐ถ๐ฎ๐ป๐ผ ๐ฎ๐ป๐ด ๐ถ๐ป๐ถ๐น๐ฎ๐๐ฎ๐ด ๐ป๐ฎ ๐ฝ๐น๐ฎ๐ป๐ผ ๐ป๐ด ๐๐ฎ๐ป๐ฑ ๐ง๐ฟ๐ฎ๐ป๐๐ฝ๐ผ๐ฟ๐๐ฎ๐๐ถ๐ผ๐ป ๐ข๐ณ๐ณ๐ถ๐ฐ๐ฒ (๐๐ง๐ข) ๐ฝ๐ฎ๐๐๐ป๐ด๐ธ๐ผ๐น ๐๐ฎ ๐ฝ๐ฎ๐ด๐๐ฎ๐๐ฎ๐ด๐ฎ๐๐ฎ ๐ป๐ถ๐๐ผ ๐ป๐ด ๐ฟ๐ผ๐ฎ๐ฑ ๐๐ฎ๐ณ๐ฒ๐๐ ๐๐ฒ๐บ๐ถ๐ป๐ฎ๐ฟ๐ ๐ฝ๐ฎ๐ฟ๐ฎ ๐๐ฎ ๐บ๐ด๐ฎ ๐๐ฟ๐ถ๐ฐ๐๐ฐ๐น๐ฒ ๐ผ๐ฝ๐ฒ๐ฟ๐ฎ๐๐ผ๐ฟ๐ ๐ฎ๐ ๐ฑ๐ฟ๐ถ๐๐ฒ๐ฟ๐ ๐ป๐ฎ ๐บ๐ฎ๐ ๐ธ๐ถ๐น๐ฎ๐น๐ฎ ๐ฏ๐ถ๐น๐ฎ๐ป๐ด ๐บ๐ด๐ฎ ๐ง๐ฟ๐ถ๐ฐ๐๐ฐ๐น๐ฒ ๐ข๐ฝ๐ฒ๐ฟ๐ฎ๐๐ผ๐ฟ๐ ๐ฎ๐ป๐ฑ ๐๐ฟ๐ถ๐๐ฒ๐ฟ๐ (๐ง๐ข๐๐).
Ipinahayag ni Valeriano na hindi maikakailang maraming mga tricycle drivers na barumbado at walang disiplina kung magmaneho. Sila din ang pinagmumulan ng mga aksidente sa lansangan bunsod ng kawalan nila ng nararapat na pag-iingat.
Diniin ni Valeriano na kinakailangang sumailalim sa road safety seminars ang mga tricycle drivers upang magkaroon sila ng sapat na kaalaman sa tamang pamamaraan ng pagmamaneho para sa kaligtasan nila at kanilang mga pasahero.
Ipinaalala ni Valeriano na sa tuwing babarumbaduhin ng mga tricycle drivers ang kanilang pagmamaneho hindi lamang aniya nila inilalagay sa tiyak na kapahamakan ang kanilang buhay kundi pati ng kanilang mga pasahero.
Ayon pa sa kongresista, sinasang-ayunan at sinusuportahan nito ang naging pagkilos o hakbang ng LTO bilang chairperson ng Committee on Metro Manila Development. Nakikita nito ang kahalagahan ng nasabing seminar para ipabatid sa mga tricycle drivers ang importansiya ng road safety o ang maingat na pagmamaneho.
“May mga tricycle drivers kasi na parang nakakalimot na sa road safety. Parang masyado na silang nagiging kampante, kaya iyan ang dapat itanim ng seminar na ito sa kanilang mga isip na kailangan nilang maging maingat sa pagmamaneho. Sapagkat hindi lamang ang buhay nila ang nalalagay sa peligro kundi pati buhay ng kanilang pasahero,” wika ni Valeriano.
Paliwanag pa ni Valeriano, pinatutunayan din sa mga naglipanang “viral videos” ang kawalang ingat ng ilang tricycle drivers na nasasangkot sa aksidente. Ang iba ay pinag-uugatan ng road rage o matinding hidwaan sa kalsada.
Sabi pa ni Valeriano, ang pino-protektahan lamang umano ng LTO ay ang mga tricycle drivers at kanilang mga pasahero. Habang ang mga operators naman ay bibigyan ng edukasyon para magsilbing gabay sa kanilang mga drivers na nakakalimot ng road safety.