𝗜𝗠𝗜𝗡𝗨𝗡𝗚𝗞𝗔𝗛𝗜 𝗻𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗸𝗮𝘆 𝗣𝗿𝗲𝘀𝗶𝗱𝗲𝗻𝘁 𝗙𝗲𝗿𝗱𝗶𝗻𝗮𝗻𝗱 “𝗕𝗼𝗻𝗴𝗯𝗼𝗻𝗴” 𝗥. 𝗠𝗮𝗿𝗰𝗼𝘀, 𝗝𝗿. 𝗻𝗮 𝗸𝗮𝗶𝗹𝗮𝗻𝗴𝗮𝗻𝗴 𝗹𝗮𝗹𝗼 𝗽𝗮𝗻𝗴 𝗽𝗮𝗶𝗴𝘁𝗶𝗻𝗴𝗶𝗻 𝗻𝗴 𝗴𝗼𝗯𝘆𝗲𝗿𝗻𝗼 𝗮𝗻𝗴 𝗽𝗮𝗴𝘀𝘂𝘀𝘂𝗹𝗼𝗻𝗴 𝗻g “𝗹𝗮𝗯𝗼𝗿 𝗿𝗶𝗴𝗵𝘁𝘀” ng 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀) 𝘀𝗮 𝗨𝗻𝗶𝘁𝗲𝗱 𝗔𝗿𝗮𝗯 𝗘𝗺𝗶𝗿𝗮𝘁𝗲𝘀 (𝗨𝗔𝗘) 𝗮𝘁 𝗞𝗶𝗻𝗴𝗱𝗼𝗺 𝗼𝗳 𝗦𝗮𝘂𝗱𝗶 𝗔𝗿𝗮𝗯𝗶𝗮 (𝗞𝗦𝗔).

Ang mungkahi ang nilalaman ng privilege speech ni Magsino sa plenaryo ng Kamara de Representantes patungkol sa kasalukuyang kalagayan ng mga OFWs sa UAE at KSA. Kung saan, nasa 23% ang mga OFWs na nagta-trabaho sa Saudi Arabia at 13% naman sa UAE.

Ayon kay Magsino, hindi matatawaran ang napakalaking ambag ng mga OFWs sa ekonomiya ng bansa sapagkat noong 2022 ay nakapag-remitt ang mga OFWs mula sa Saudi Arabia ng tinatayang $1.94 billion habang ang mga nasa UAE naman ay nakapag-remitt ng $1.35 billion batay sa pahayag ng Bangko Sentral ng Pilipinas (BSP).

Idiniin ni Magsino sa kaniyang talumpati na sa kabila ng napakalaking kontribusyon nila, may mga OFWs ang nahaharap sa mga mabibigat na suliranin sa ibayong dagat tulad ng “human rights abuses”.

Sabi ni Magsino na karamihan sa mga natanggap nitong sumbong mula sa mga OFWs na nagta-trabaho bilang mga kasambahay sa Saudi Arabia ay madalas na sila’y bugbog sa sobrang haba ng kanilang trabaho. Ang iba naman ay napaka-ikli lamang ng pahinga.

“Karamihan sa mga household service workers ay madalas na bugbog sa haba ng oras ng kanilang trabaho at maikli lamang ang kanilang pamamahinga. Kaya ang resulta, wala halos pagkakataon ang mga OFWs upang mamasyal at makipag-kapwa tao upang libangin ang kanilang mga sarili pagkatapos ng maraming araw ng kanilang paninilbihan sa kanilang mga amo,” sabi ni Magsino sa kaniyang privilege speech.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆