CAMP BGEN. EFIGENIO, NAVARRO–Buo ang loob ng mga pulis ng Police Regional Office 4-B laban sa banta ng mga armadong grupong komunista.

Ipinaabot ni P/BGen. Jovencio Badua, hepe ng PRO-4B, ang paghanga sa katapangan, propesyonalismo at dedikasyon ng mga pwersa ng pamahalaan, gayundin sa pakikiisa ng mga komunidad sa pagpapanatili ng kapayapaan at kaayusan sa rehiyon.

“Ang kapayapaan ay hindi lamang tungkulin ng mga alagad ng batas.

Ito ay kolektibong pananagutan ng bawat pamilya, bawat komunidad at bawat mamamayan,” sabi ng heneral.

Tiniyak ng PRO-4B ang pakikipagtulungan sa iba pang ahensiya ng gobyerno, mga lokal na pamahalaan, paaralan, mga magulang at iba pang sektor ng komunidad upang masiguro ang kapayapaan.