CABANATUAN CITY–Ipinalalagay ng mga pulis na paghihiganti ang posibleng motibo sa pagpatay sa dalawang lalaki na natagpuan ang bangkay na tadtad ng bala sa loob ng Nissan pick up (XPP-844) sa Brgy. Valle Cruz sa syudad na ito.

Sinabi ni City police head Lt. Col. Renato Morales na ang bangkay ng mga biktimang sina Bernardo Atacador at Rodrigo Dionisio ay nakuha na ng kanilang pamilya.

“Tinitingnan namin ang paghihiganti bilang paunang motibo para sa insidente,” sabi ni Morales.

Narekober ang mga basyo ng bala ng cal. 45 sa loob at paligid ng sasakyan.

Sa imbestigasyon, napag-alaman na nakarehistro ang pick-up truck sa isang taga-Laur, Nueva Ecija ngunit si Atacador ang kasalukuyang may-ari nito.