PINANGUNAHAN ni Pangulong Ferdinand R. Marcos Jr. ang paglulunsad ng programang Biyayang Bigas para sa Maynila sa SM Manila sa Lungsod ng Maynila noong Abril 16, 2026.

Pinondohan ng Tanggapan ng Pangulo (Office of the President o OP) sa pamamagitan ng Financial Assistance to Local Government Units (FALGU) na nagkakahalaga ng P286 milyon, layunin ng programa na magbigay ng subsidiya sa bigas para sa mga manggagawa at mahihinang pamilya sa Lungsod ng Maynila.

Nagbibigay ito ng agarang tulong sa pagkain sa humigit-kumulang 80,000 pamilya at sumusuporta rin sa mga manggagawa sa sektor ng transportasyon at serbisyo sa loob ng anim na buwan.

Umaabot sa 80,000 pamilya sa Maynila ang makikinabang sa Biyayang Bigas para sa Maynila sa ilalim ng Bagong Pilipinas Rice Program, kabilang ang mga manggagawa, drayber, at iba pang sektor na lubos na apektado ng mas mataas na presyo ng mga bilihin dulot ng pagmahal ng langis sa pandaigdigang merkado. Tatanggap sila ng tig-10 kilong bigas sa loob ng anim na buwan kada taon upang makatulong sa gastusin sa pagkain, habang sinusuportahan din ang kabuhayan ng mga magsasaka mula Bicol at Nueva Ecija na pinanggalingan ng suplay ng bigas.

Layunin din ng programa na palakasin ang demand para sa lokal na produksyon ng bigas, bilang bahagi ng pangako ng administrasyon na maibsan ang pasaning pang-ekonomiya at maiangat ang kabuhayan ng mga magsasakang Pilipino.

Sa kanyang talumpati, sinabi ni Marcos na ipatutupad sa buong bansa ang inisyatibong pamamahagi ng bigas.

“Ang programang ito ay aming ginawa upang matugunan, lalo na, ang pangangailangan ng ating mga kababayan sa iba’t ibang aspeto. Nangunguna rito ang pagkain,” aniya.

“Gumawa tayo ng programa upang matiyak na lahat ng ating mga kababayan ay may makakain,” dagdag pa ni Marcos.

Ang inisyatiba, na tatagal ng anim na buwan, ay inaasahang makikinabang ang kabuuang 80,000 pamilya, na nagpapatibay sa pangako ng administrasyong Marcos na tulungan ang mga Pilipino na makayanan ang mga pandaigdigang hamon.

Kabilang sa mga benepisyaryo ang mga manggagawa sa sektor ng transportasyon at serbisyo na higit na bulnerable sa mga hamong pang-ekonomiya.

Layunin din ng hakbang na ito na mapababa ang gastos sa pagkain ng mga residente ng Maynila, gayundin na mapataas ang produksyon at kabuhayan ng mga lokal na magsasaka.