𝗕𝗜𝗟𝗔𝗡𝗚 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺. 𝗣𝗮𝗿𝗮 𝗸𝗮𝘆 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗖𝗼𝗻𝗴. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮, “𝘄𝗲𝗹𝗰𝗼𝗺𝗲 𝗻𝗮 𝘄𝗲𝗹𝗰𝗼𝗺𝗲” 𝘀𝗮 𝗸𝗮𝗻𝗶𝘆𝗮 𝗮𝗻𝗴 𝗻𝗮𝗽𝗶𝗽𝗶𝗻𝘁𝗼𝗻𝗴 𝗽𝗮𝗴𝗽𝗮𝗽𝗮𝗹𝗮𝗹𝗶𝗺 𝗮𝘁 𝗽𝗮𝗴𝗽𝗮𝗽𝗮-𝗶𝗴𝘁𝗶𝗻𝗴 𝗻𝗴 𝗯𝗶𝗹𝗮𝗿𝗲𝗿𝗮𝗹 𝘁𝗶𝗲𝘀 𝘀𝗮 𝗽𝗮𝗴𝗶𝘁𝗮𝗻 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗮𝘁 𝗦𝗽𝗮𝗶𝗻 𝘀𝗮 𝗹𝗮𝗿𝗮𝗻𝗴𝗮𝗻 𝗻𝗴 𝗽𝗼𝗹𝗶𝘁𝗶𝗸𝗮, 𝗲𝗸𝗼𝗻𝗼𝗺𝗶𝘆𝗮, 𝘀𝗮 𝗮𝘀𝗽𝗲𝘁𝗼 𝗻𝗴 𝗸𝘂𝗹𝘁𝘂𝗿𝗮 𝗮𝘁 𝘁𝘂𝗿𝗶𝘀𝗺𝗼.

Ito ang reaksiyon ni Madrona matapos ang naganap “courtesy meeting” sa pagitan nina Department of Tourism (DOT) Sec. Maria Christina Garcia Frasco at Philippine Ambassador to Spain at Permanent Representative to UN Tourism na si Philippe Lhuillier.

Ayon kay Madrona, ikinagagalak nito ang naturang pagpupulong sa pagitan nina Sec. Frasco at Lhuillier sapagkat napag-usapan dito ang posibilidad na hikayatin ng Spanish Ambassador ang kaniyang mga kababayan na bumisita sa Pilipinas sa pamamagitan ng Centro de Filipinas en Madrid.

Naniniwala si Madrona na ang naganap na courtesy meeting ang magsisilbing susi upang magbigay daan sa pagpalakas sa larangan ng turismo ng Pilipinas at Spain partikular na ngayon kung saan puspusan ang pagsisikap ni Frasco na lalo pang pasiglahin ang Philippine tourism.