𝗞𝗜𝗡𝗔𝗧𝗜𝗚𝗔𝗡 𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺 𝗻𝗮 𝘀𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗖𝗼𝗻𝗴. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗮𝗻𝗴 𝗻𝗮𝗴𝗶𝗻𝗴 𝗽𝗮𝗵𝗮𝘆𝗮𝗴 𝗻𝗶 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗧𝗼𝘂𝗿𝗶𝘀𝗺 (𝗗𝗢𝗧) 𝗦𝗲𝗰. 𝗠𝗮𝗿𝗶𝗮 𝗖𝗵𝗿𝗶𝘀𝘁𝗶𝗻𝗮 𝗚𝗮𝗿𝗰𝗶𝗮 𝗙𝗿𝗮𝘀𝗰𝗼 𝗻𝗮 𝗮𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝘁𝗼𝘂𝗿𝗶𝘀𝗺 𝗮𝘆 𝗶𝘁𝗶𝗻𝘂𝘁𝘂𝗿𝗶𝗻𝗴 𝗻𝗮 “𝗯𝗿𝗲𝗮𝗱 𝗮𝗻𝗱 𝗯𝘂𝘁𝘁𝗲𝗿” 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗯𝘂𝗻𝘀𝗼𝗱 𝗻𝗴 𝗺𝗮𝗹𝗮𝗸𝗶𝗻𝗴 𝗴𝗮𝗻𝗮𝗻𝘀𝗶𝘆𝗮 𝗻𝗮 𝗻𝗮𝗶𝗯𝗶𝗯𝗶𝗴𝗮𝘆 𝗻𝗶𝘁𝗼.

Ayon kay Madrona, pinatutunayan ng paglago ng domestic tourism expenditutes na umabot ng 72.3% mula sa dating P1.55 trillion noong taong 2022 ang pahayag ni Frasco. Aniya, ipinapakita lamang nito na malaking pakinabang ang nakukuha ng bansa mula sa turismo.

Paliwanag pa ni Madrona, ganito rin ang lumabas sa Philippine Tourism Satellite Accounts (PTSA) at Tourism Statistics Dissemination Forum na lalong nagpapatunay na ang turismo ng Pilipinas ang nagsisilbing “life line” ng pamahalaan na nagpapasok ng malaking kita bukod pa ang mga trabahong naibibigay nito para sa mga Pilipino.

Dati nang sinabi ng kongresista na ang Philippine tourism ang nagsisilbing “economic driver” ng Pilipinas bunsod ng malaking ganansiya na ipinapasok nito sa kaban ng pamahalaan.

Sabi pa ni Madrona, ang pagtaas ng gastusin sa turismo ay malaki ang naiaambag sa ekonomiya ng bansa. Kung saan, ipinapakita din nito na ang Philippine tourism ang pinaka-matibay na haligi ng ekononiya ng bansa.