NAITALA ng Bureau of Customs (BOC) noong 2022 ang pinakamataas na koleksyon nito sa kasaysayan.

Ayon sa BOC, nakakolekta ito ng P862.929 bilyon noong nakaraang taon lagpas ng 19.6% o P141,409 bilyon sa target nitong makolekta na P721.52 bilyon.

Ang nakolekta noong 2022 ay mas mataas ng 34.1% sa P643.562 bilyon na nakolekta ng ahensya noong 2021.

Ayon sa BOC Financial Service noong 2022 ang kauna-unahang pagkakataon na lumagpas ang nakolekta ng lahat ng pantalan sa kanilang taunang target.

Ang Post-Clearance Audit Group (PCAG) ay nakakolekta ng P1.840 bilyon mas malaki sa P1.522 bilyon na nakolekta nito noong 2021.

Kumita rin ang BOC ng P292 milyon sa public auction ng mga overstaying na kargamento.