IBINAHAGI ni Department of Tourism (DOT) Secretary Christina Garcia Frasco ang mga plano ng DOT para pahusayin ang imprastraktura at koneksyon sa turismo sa panayam sa Love the Philippines Travel and Tourism Forum noong Miyerkules mula sa Perth, Australia.

“Inaprubahan ng ating Pangulo ang National Tourism Development Plan na naglalagay ng primacy sa pagpapaunlad ng imprastraktura ng turismo bilang numero unong layunin nito,” pagbabahagi ni Kalihim Frasco.

Nakatuon ang planong ito sa pagpapalawak ng mga kalsada sa turismo, tulay at pasilidad ng paliparan upang mapabuti ang accessibility at palakasin ang koneksyon sa buong kapuluan.

Ayon sa Tourism chief, nakikipagtulungan din ang DOT sa Department of Transportation para maibalik at mapalawak ang mga internasyonal at domestic na ruta.

Inihayag ni Kalihim Frasco ang pagbawi sa mga international at domestic na ruta, kasama ang mga bagong direktang flight mula Perth papuntang Pilipinas sa pamamagitan ng Philippine Airlines.

Sa pamamagitan ng Public-Private Partnerships (PPP), ang mga pangunahing gateway tulad ng Ninoy Aquino International Airport (NAIA) nakatakdang i-upgrade.

Nakipagsosyo sa pribadong sektor ang DOT upang madagdagan ang mga pasilidad ng tirahan.

Inilunsad din ng DOT ang Tourism Champions Challenge sa mga proyektong pang-imprastraktura sa turismo sa buong Luzon, Visayas at Mindanao.

Nakatuon ang inisyatiba na ito sa paglikha ng matatag at maunlad na mga komunidad sa ekonomiya.

Ipinunto ng Tourism chief na ang sambayanang Pilipino ang tunay na nagbubukod sa Pilipinas.

Tanyag ang Pilipinas sa mabuting pakikitungo, pagmamahal at init na bumabalot sa puso ng mga Pilipino.

Upang ma-institutionalize ito, ipinakilala ng DOT ang Filipino Brand of Service Excellence na nagpoposisyon sa Pilipinas bilang kabisera ng service excellence at hospitality sa Southeast Asia.

Sa halos 80 taon ng bilateral na relasyon, ang Pilipinas at Australia nagbabahagi ng matibay na partnership, ayon sa kalihim.

“Ang dami nating matututunan sa isa’t isa. Nagbabahagi kami ng mga katulad na produkto sa turismo—mga karanasan sa baybayin, mga aktibidad sa dagat, at higit pa.

Sabik na sabik kaming palaguin ang merkado ng Australia. Kung isasaalang-alang ang aming kalapitan at ang kahanga-hangang produkto ng turismo na aming inaalok,” sabi ng Tourism chief.