MAGTATAPYAS ng hindi maramdamang 20 sentimos kada litro ang presyo ng gasolina pero bubulusok ang presyo ng diesel ng 60 sentimos kada litro at kerosine ng P1.30 kada litro, ayon sa mga higanteng oil firms.

Sa anunsiyo ng Petron Corporation, Pilipinas Shell, Seaoil, Flying V at Chevron Philippines, ganito ang price adjustments nila na magsisimula ng alas-6:01 sa Martes, Nob. 25.

Ganito rin ang adjustment ng PTT Philippines, Total Philippines, Unioil, Petro Gazz at Phoenix Petroleum.

Simula alas-4:01 naman ng hapon ang simula ng price adjustment ng Clean Fuel.

Sinabi ni PTT Philippines Media Relation Officer Jay Julian na ibinabatay ng mga lokal na kompanya ng langis ang paggalaw sa presyo ng langis sa pandaigdigang pamilihan.