NASA 12 million na halaga ng shabu at marijuana leaves ang nasamsam at 20 target drug personalities ang naipakulong ng mga agents ng Police Regional Office 11 Regional Drug Enforcement Unit and Regional Special Operations Group simula noong June 2025.

Ayon sa report, 20 manhunt ang sinagawa ng mga miyembro ng PRO11-RSOG.

Siyam sa mga naaresto ang galing sa Davao City, 2 sa Davao del Norte, 1 sa Davao de Oro, 3 sa Davao Oriental at 5 sa Davao del Sur.

Umabot din sa 51 anti-drug operations ang isinagawa ng mga pulis sa nasabing unit.

Na-recover sa operations ang 1.771 kilos ng shabu na may value na P12.040 million at nakuha 13.2 kilograms ng dried marijuana leaves din ang nasamsam na may halagang P2.694 million.