NAGHANDOG ng mga programa sa mga taga-Valenzuela City si United Senior Citizens Partylist Rep. Mila Aquino Magsaysay sa pagbisita sa lungsod.Pinasalamatan ng mga kinatawan ng lungsod si Cong. Magsaysay sa kanyang pagbisita at pagsisikap na mailapit sa mga mamamayan ang mga programang nakatuon sa kapakanan ng mga senior citizen.

Binigyang-diin din ng kinatawan ng Valenzuela ang suporta sa mga panukala at programang isinusulong ni Magsaysay para sa mga nakatatanda, partikular sa mga usapin ng kalusugan, kabuhayan at maayos na pamumuhay.

Mahalaga ang pagtutulungan ng mga mambabatas at lokal na pamahalaan upang matiyak na nabibigyan ng sapat na atensyon ang mga pangangailangan ng senior citizens, kabilang ang pagkakaroon ng mas maayos na serbisyong pangkalusugan at mga oportunidad na makatutulong sa kanilang pang-araw-araw na pamumuhay.

Binigyang-diin din ang kahalagahan ng patuloy na pakikipagtulungan upang maisakatuparan ang mga programang magbibigay ng proteksiyon, suporta at mas magandang kinabukasan sa mga nakatatanda.

Sa pamamagitan ng koordinasyon ng mga kinatawan ng pamahalaan, layuning higit pang mapalawak ang mga serbisyong panlipunan at matiyak na nararamdaman ng mga senior citizen ang malasakit at suporta ng kanilang mga lingkod-bayan.

Patuloy na pagsusulong sa kapakanan ng mga nakatatanda, tungo sa mas malusog, maayos at marangal na pamumuhay para sa bawat senior citizen.