ISANG miyembro ng Bacolor police ang inalis sa puwesto noong Miyerkules dahil sa umano’y ginawang kahalayan sa isang babaing pulis.

Sa ulat kay PRO 3 director Brig. Gen. Jose Hidalgo Jr., iniutos ni Pampanga police commander Col. Jay Dimaandal ang pag-alis sa puwesto batay sa reklamo ng isang alyas “Jude, ” 30, isang babaing pulis na nakadetalye sa Bacolor police.

Sinabi ni Dimaandal na sa inisyal na pagsisiyasat ng Pampanga police, nabatid na ang suspek, isang lalaking pulis na nakatalaga rin sa Bacolor police, ay inatasan ang biktima na samahan siya na rumesponde ng pulisya sa isang insidente ng pagnanakaw sa Our Lady of Lourdes Shrine na matatagpuan sa Bgy. Cabetican, Bacolor.

Magkasama silang sumakay sa pribadong sasakyan ng suspek at pagkatapos ng pagresponde sa simbahan, hiniling ng suspek sa biktima na sumama sa kanya sa Guagua detention facility upang kumuha ng ilang larawan para sa kanyang proyekto sa kanyang kasalukuyang pag-aaral.

Nang pabalik na sa Bacolor police station ang biktima at ang suspek at binabaybay ang kalsada sa Bgy. Cabalantian, biglang sinimulan ng suspek na himasin ang katawan ng biktima habang tinatanong ang biktima kung may nararamdaman ito habang hinahaplos ito.

Ibinunyag din ng biktima na noong Agosto 9 bandang alas-5:30 ng hapon, pinakiusapan siya ng suspek na samahan siya sa pagsasagawa ng inspeksyon sa COMPAC 1 mega dike.

Habang minamaneho ng suspek ang sasakyan, tinanong niya ang biktima kung okay lang ba siya sa one night stand at kung minsan ba nitong niloko ang kanyang nobyo.

Sumagot ang biktima na naniniwala siya sa karma at sinubukang huwag pansinin ang iba pang panunukso ng suspek sa pamamagitan ng pagpapakita sa kanya ng sex video sa kanyang cellphone.

Idinagdag ng biktima na may mga pagkakataon na ang suspek ay nagbibiro ng berdeng biro sa biktima at nagbubunyag ng kanyang mga karanasan sa pakikipagtalik sa ibang mga babae.

Dahil dito ay hindi komportable ang biktima, na nag-udyok sa kanya na magsampa ng reklamong sexual harrasment laban sa suspek.