STO DOMINGO, Ilcoos Sur– Pinupuri ng Philippine National Police (PNP) ang pagkilos ni Pat. Romel Geneta ng Sto. Domingo police station nang alisin ang nagkalat na mga bato sa kalsada upang maiwasan ang aksidente.

Napansin ni Geneta ang mga batong nahulog mula sa isang dump truck at naiwan sa gitna ng daan.

Hindi na naghintay ng utos si Geneta at nilinis ang kalsada upang masiguro ang kaligtasan ng mga motorista.

“Ito ang klaseng serbisyo-pulis na gusto nating itaguyod. ’Yung kusang kumikilos dahil may malasakit, kahit walang nakatingin,” sabi ng PNP chief.

Hinikayat ng PNP ang lahat ng pulis na gayahin ang ganitong malasakit.