IPINAHAYAG ni Quezon City Police District director Brigadier General Randy Glenn Silvio na nahuli na noong Biyernes ang pang-apat na suspek sa pagpatay kay Mauricio Pulhin, ang chief of the technical staff ng House Committee on Ways and Means, sa San Jose del Monte City, Bulacan.

Sinabi ng pulis na ‘driver/assistant’ ng mga pumatay ang nahuling suspek na si alyas Pios.

Nahuli ang suspek sa tulong ng warrant of arrest na inisyu ng QC court, ayon sa report.

Sinabi ni Brig. Gen. Silvio na hinahanap pa nila ang utak sa pagpatay sa biktima na pinatay sa birthday party ng anak niyang babae.