SAN ISIDRO, Nueva Ecija–Laglag sa drug buy-bust ang 41-anyos na call center agent na may pag-iingat na half gram ng shabu na may halagang P3,400 sa Brgy. Malapit ng bayang ito noong Huwebes

Nakumpiska sa suspek ang droga kasama ang P500 marked money at isang Honda PCX scooter nang maaresto, ayon sa report.

Samantala, isang 27 at 20-anyos na lalaki ang nasakote ng mga pulis na may kargadang 10.67 na gramo ng hinihinalang marijuana na nagkakahalaga ng P12,804.

Kasama rin sa nakumpiska ang ginamit na Mitsukoshi motorcycle ng dalawang suspek.

Kasong paglabag sa RA 9165 ang isasampa laban sa mga suspek, ayon sa mga pulis.