MAGKAKAROON ng kaunting bawas sa bayarin sa kuryente ngayong Mayo matapos ianunsyo ng Manila Electric Company o Meralco ang pagbaba ng kanilang power rates.

Ayon sa kompanya, mababawasan ng ₱0.0151 kada kilowatt-hour (kWh) ang singil sa mga konsyumer ngayong buwan.

Ipinaliwanag ng Meralco na dulot ito ng mas mababang transmission charges at ilang adjustments sa operational costs ng kumpanya.

Kabilang din sa mga nakaapekto sa pagbaba ng singil ang accelerated refunds, VAT exemption sa indigenous gas, pansamantalang pagtigil sa GEA-All charges, at ang mas murang gastos sa paghahatid ng kuryente.