BINATI ni Speaker Martin G. Romualdez ang player ng Barangay Ginebra na si Justin Donta Brownlee matapos lagdaan ni Pangulong Ferdinand Marcos Jr. ang ang kanyang naturalization.

Matapos manumpa ng katapatan sa watawat ng Pilipinas, si Brownlee ay opisyal ng magiging Pilipino alinsunod sa Republic Act (RA) No. 11937.

“You are now a Filipino. We hope that you will be a good citizen and an excellent example for our people, especially the youth. Lead the Philippine Gilas team to victory in the FIBA World Cup Qualifiers,” ani Speaker Romualdez.

Ang batas ay mula sa House Bill No. 6224 na inaprubahan ng Kamara de Representantes. Ang panukala ay inakda nina Speaker Romualdez, Cavite Rep. Elpidio “Pidi” Barzaga, Jr., at sports patron at 1-Pacman Rep. Mikee Romero.

Ang iba pang may-akda ng panukala ay sina Representatives Manuel Jose “Mannix” M. Dalipe, Gus S. Tambunting, Juliet Marie de Leon Ferrer, Roberto V. Puno, Margarita Ignacia B. Nograles, Jonathan Keith T. Flores, Ysabel Maria J. Zamora, Pablo John F. Garcia, Loreto B. Acharon, Ma. Rachel J. Arenas, Irwin C. Tieng, Ron P. Salo, Raul Angelo “Jil” D. Bongalon, Dante S. Garcia, Olga “Ara” T. Kho, Laarni Lavin Roque, Zaldy S. Villa, Divina Grace C. Yu, Jaime R. Fresnedi, Francisco Paolo V P. Ortega, Romeo M. Acop, Roy M. Loyola, Joseph Stephen “Caraps” S. Paduano, Jose Gay G. Padiernos, Raul “Boboy” C. Tupas, Dan S. Fernandez, Celso G. Regencia, Yevgeny Vincente B. Emano, Arnie B. Fuentebella, Paolo Z. Duterte, at Jeffrey Soriano.

Si Brownlee, 34, tubong Georgia, USA, ay nais na makapaglaro para sa Gilas Pilipinas.

Nauna ng kinilala ni Speaker Romualdez si Brownlee dahil sa pagnanais nito na maging Pilipino upang makatulong sa national basketball team ng Pilipinas na lumalaban sa FIBA World Cup.

Itinulak ni Romero ang pagpasa ng House Bill 6224 kung saan kinilala nito si Brownlee na nakakuha ng limang PBA championships at dalawang Best Import award.

Ayon kay Romero si Brownlee ang unang PBA import na nakapagtala ng mahigit 400 three-pointers at ikalima sa all-time PBA imports scoring. Noong Abril 2022 ay umabot na sa 4,539 puntos ang naitala nito.

Si Brownlee ay inaasahang makakapaglaro na sa Gilas Pilipinas na kalahok sa 2023 FIBA World Cup Qualifiers at FIBA World Cup 2023.