PINURI ni Speaker Ferdinand Martin G. Romualdez ang Gilas Pilipinas Youth team sa pagkapanalo ng gintong medalya sa FIBA Under-16 Asia Cup Southeast Asia Basketball Association (SEABA), at inilarawan ang grupo na disiplinado, walang takot at karapat-dapat na maging kampeon.

“This team showed what it means to compete with purpose. They executed with focus, played with composure, and earned every bit of that gold medal,” ani Speaker Romualdez.

Winalis ng Pilipinas ang torneo kung saan pinangunahan nila ang mga karibal mula sa Timog-Silangang Asya at nakuha ang puwesto sa FIBA U16 Asia Cup.

Ipinakita ng koponan ang matatag na pundasyong teknikal, magandang teamwork at matibay na pag-iisip sa buong kompetisyon.

Kinilala ni Speaker Romualdez ang liderato ni head coach LA Tenorio, sa kauna-unahang international coaching nito sa nasabing torneo at paghubog ng koponan.

“This is how we build a winning culture—through structure, accountability, and hard work,” sabi ng pinuno ng 306-member House of Representatives.

Kinilala rin ng Speaker ang suporta ng Samahang Basketbol ng Pilipinas (SBP), na unti-unti na umanong nagbubunga ang ginawang pamumuhunan sa paglinang ng mga manlalaro.

“Wins like this don’t happen by accident. They’re the product of long hours of training, smart coaching, and a strong support system. Gilas Youth delivered, and they deserve the nation’s full recognition,” ani Romualdez.

Ang SEABA ay nagsisilbing regional gateway sa FIBA U16 Asia Cup. Sa panalong ito, pinagtibay ng Pilipinas ang puwesto nito sa continental tournament, kung saan makakaharap nito ang mas malalakas na koponan mula sa buong Asya.

Sinabi ni Speaker Romualdez na ipagpapatuloy ng Kamara ang pagsusulong ng mas pinalakas na mga sports development program at mas mahusay na pondo para sa grassroots at elite-level na pagsasanay.

“We’re committed to giving our young athletes the resources they need to succeed. Victories like this prove that Filipino talent can shine with the right support,” ani ng pinuno ng Kamara.

“They’ve raised the bar for what we expect from Philippine basketball. I look forward to seeing them compete at the next level,” dagdag pa niya.