DUMAYO noong Lunes si Speaker Ferdinand Martin Romualdez kasama ang ilang mambabatas sa project presentation ng 4-storey, 20-classroom ng Bauan Integrated Technical High School (BITHS) sa Bauan, Batangas.

Ang pagdayo ng Speaker sa Bauan alinsunod sa pangako ni President Ferdinand R. Marcos Jr. na isulong ang kapakanan ng mga kabataang Pilipino sa pamamagitan ng pagtiyak na mayroon silang access sa de-kalidad na edukasyon.

Sinalubong ni Batangas second district Rep. Gerville “Jinky Bitrics” Luistro sina Speaker Romualdez, Senior Deputy Speaker Aurelio “Dong” Gonzales, Jr., at ilang miyembro ng House Quad Committee na sina Reps. Robert Ace Barbers, Joseph Stephen Paduano, Johnny Pimentel, Romeo Acop, Dan Fernandez, Jonathan Keith Flores at Ramon Rodrigo Gutierrez.

Sa nasabing event, sinabi ng Speaker na nakipag-usap siya kay Appropriations Committee chairman Elizaldy Co na maglaan ng pondo para sa dalawa pang
bagong gusali para sa BITHS para ma-accommodate ang mas maraming estudyante.

Ang mga bagong gusali ng paaralan idinisenyo upang matugunan ang dumaraming mag-aaral sa rehiyon at matiyak na mayroon silang mga pasilidad upang maging mahusay sa kanilang mga gawaing pang-akademiko.