ILALARGA ng Department of Health (DOH) ang isang special week of vaccination sa Setyembre upang mas maraming Pilipino ang mabakunahan laban sa COVID-19.

Ayon kay DOH officer-in-charge Maria Rosario Vergeire nakikipag-ugnayan na ito sa centers for health development, regional vaccine operation center, at mga medical society para sa gagamiting estratehiya sa bakunahan.

Sinabi ni Vergeire na mula ng simulan ang PinasLakas noong Hulyo 26 hanggang noong Agosto 30 ay 24,661 senior citizen na ang nabakunahan.

Inamin ni Vergeire na malayo ang bilang na ito sa target na 17,000 arawang mababakunahan.

Umabot naman umano sa 2,103,653 indibidwal ang nabakunahan ng first dose.