ISA sa mga most wanted na suspek sa panghahalay ang nahuli sa Canaman, Camarines Sur noong Biyernes, ayon kay Police Regional Office (PRO)-5 director Brigadier General Nestor C. Babagay Jr.

Dinakip ng mga tauhan ng Canaman Municipal police bandang alas-4:45 ng hapon ang akusadong si alyas na Jeff.

Ang 45-anyos na suspek ay may kasong two counts of statutory rape na walang kaukulang piyansa.

Ayon kay Brig. Gen. Babagay, bahagi ng pinaigting na kampanya ng PNP Bicol kontra kriminalidad ang pagkakatiklo sa suspek.