MARIVELES, Bataan–Nasakote ng mga pulis- Mariveles, sa pamumuno ni Lt. Col. Mar Joseph Ravelo, hepe ng pulis, ang dalawang umano’y sangkot sa motornapping at illegal possession of firearms noong Huwebes.

Sa ulat kay Col. Marites Salvadora, Bataan police director, bandang alas-3:30 ng hapon ng nakatanggap ng reklamo ang mga pulis tungkol sa motorcycle na nawawala sa Resurreccion St., Brgy. Cabcaben, Mariveles, Bataan.

Matapos ang ilang oras ng investigation, nakita ang nawawalang motorcycle sa pag-iingat ni alyas Vil sa Blk. 45, Lot 16, NHA, Sitio Mabuhay, Brgy. Cabcaben, Mariveles, Bataan.

Inaresto ang dalawang suspek at habang kinakapkapan nakakuha ang mga pulis ng cal .45 na baril.