HIMAS-rehas ngayon ang isang binata dahil sa kasong panghahalay matapos maispatan ng mga operatiba ng Manila Police District Special Operation Unit sa kahabaan ng Jose Abad Santos St., Brgy. 208 Rizal Ave., Sta. Cruz, Manila noong Miyerkules.

Kinilala ng pulisya ang suspek na si alyas Panget, 24.

Ayon kay Police Lieutenant Colonel Guardaya, chief ng DSOU-MPD, bandang alas-10:20 ng umaga ng arestuhin ang suspek sa pamumuno ni P/Lt. Rolando Morada Jr.

Nahuli ang suspek sa biaa ng warrant of arrest na inilabas ni Judge Barbara Aleli Hernandez Briones, Presiding Judge ng Regional Trial Court Branch 1, Caloocan City.