Rape Pinaliwanag ni PBGen. Arnold Thomas Ibay ng Negros Island Region police kung paano naaresto ang suspek sa statutory rape ng mga pulis sa Brgy. Tinaogan, Bindoy, Negros Oriental. JONJON C. REYES

Suspek sa panghahalay timbog

Jon-jon Reyes Oct 11, 2025
264 Views

NAHULI at nasa likod na ng rehas ang binatang inaresto ng mga operatiba ng Bindoy police sa Negros Oriental dahil sa kasong statutory rape noong Biyernes sa Sitio Lugdang, Brgy. Tinaogan, Bindoy, Negros Oriental..

Kinilala ang akusado na si alyas Nico, 19,binata,at residente ng Tambo Ayungon, Negros Oriental..

Ayon kay Police Brig. General Arnold Thomas Ibay, director ng Negros Island Region police,bandang alas-2:11 ng hapon nahuli si alyas Nico sa pangunguna nina PMSg Junjie Amorganda at PMaj. Geren A Item, acting chief of police.

May dalawang kaso ng statutory rape ang suspek at nahuli dahil sa warrant of arrest na inisyu ni Judge Rosario Santos Carriaga, Presiding Judge ng RTC, 7th Judicial Region, Branch 75, Bais City, Negros Oriental.