“NAARESTO na po ng Manila Police District ang suspek sa pamamaril sa isang 14-anyos na biktima sa Sampaloc, Maynila.”

Ito ang inihayag ni Manila Mayor Isko Moreno Domagoso nang iharap niya sa media ang nasabing suspek.

Ayon sa suspek na si alyas Emer, nainis siya sa mga nagra-riot ng kabataan kaya nagawa niya ang krimen.

“Lagi ko pong sinasabi: kapag sa Maynila mo ginawa ang krimen, pananagutin ka sa batas. Sisikapin nating maibigay ang hustisya sa mga biktima at sa kanilang mga pamilya.
Nakikiramay po tayo sa pamilya ng biktima,” ani Mayor Isko.

Dagdag pa ng alkalde: “Muli, congratulations at salamat sa ating Manila Police District sa mabilis na pagkilos at pagkakadakip sa suspek.